Светското фудбалско првенство започнува на 12-ти јуни. За навивачите тоа е еден спортски празник. Освен спорт сепак, првенството е и голем бизнис. Мундиалот ќе и донесе на ФИФА приходи од 4 милијарди долари, што ќе е за 66% повеќе од приходите од првенството во Јужна Африка во 2010-та година.
Поголемиот дел од парите ќе дојдат од продажба на ТВ и маректинг правата. Светското првенство во фудбал генерира повеќе приходи за организаторите од секој друг спортски настан (освен Олимпијадата).
Добивката на ФИФА од ова првенство ќе биде 2 милијарди долари, од кои 1.7 милијарди долари од приходите доаѓаат од ТВ правата, 1.35 милијарди од маркетинг правата од корпоративните партнери како „Аdidas“, „Emirates“, „Sony“, „Visa“, „Hyundai“ и „Coca-Cola“.
Големите компании сакаат да фрлаат пари на Светското, бидејќи тоа се следи во целиот свет. Извештајот на ФИФА по Светското првенство од 2010-та година (кој е подготвен пред една година), покажува дека 909 милиони гледачи низ светот одвоиле најмалку 1 минута. 619.7 милиони гледале најмалку 20 минути од финалето.
Над 3.2 милијарди лица гледале репортажи за настанот барем 1 минута. Просечниот рејтинг за еден натпревар е 188.4 милиони луѓе. Дури во САД веќе го гледаат Светското фудбалско. Во 2010-та година има 31% раст на гледачите во споредба со 2006-та година.
Најмногу гледано, се разбира, беше финалето помеѓу Холандија и Шпанија, кое привлече 15.6 милиони американски гледачи. „ESPN“ ги купи правата за првенствата во 2010-та и 2014-та година за 100 милиони долари. „Fox Sports“ сепак ги освои правата за Мундијалот во 2018-та (во Русија) и 2022-та (во Катар), со наддавање против „ESPN“ и „NBC“. Засега не е познат износот на трансакцијата, но таа се пресметува на околу 400-500 милиони долари.
„Univision“ ги купи правата за емитување на шпански на две светски првенства за 425 милиони долари. Нормално, не е се приходи. Светското првенство е многу скапо за организирање. ФИФА му ќе плати на Бразил вкупно 576 милиони долари, што е за 37% повеќе од платеното на Јужна Африка во 2010 година. Поголемиот дел од овие средства ќе одат за наградниот фонд од 70 милиони долари (што е за 75% повисок од оној во 2010-та година).
Овие астрономски суми се должат најмногу на камата на ТВ правата од 90-тите години до денес. Надвор од САД правата за Мундијалот во 2002-ра и 2006-та година беа продадени за 2 милијарди долари, што е 6 пати повеќе од сумата од 310 милиони долари платени за трите првенства во 90-тите години. Од 1998-та година до сега приходите на ФИФА од Светското се зголемија за 11 пати.
Погледнете што покажува статистиката за тоа како се зголемуваат приходите. Разликата со првенството во Франција во 1998-та година е особено фрапирачка:
Бразил 2014-та година.
Фаворит за победата: Бразил.
Општи приходи: 4 милијарди долари.
Приходи од ТВ права: 1.7 милијарди долари,
Маркетинг приходи: 1.4 милијарди долари.
Јужна Африка 2010-та година.
Победник: Шпанија.
Општи приходи: 2.4 милијарди долари.
Приходи од ТВ права: 1.1 милијарди долари.
Маркетинг приходи: 1.1 милијарди долари.
Германија 2006-та година.
Победник: Италија.
Општи приходи: 3.2 милијарди долари.
Приходи од ТВ права: 1.7 милијарди долари.
Маркетинг приходи: 785 милиони долари.
Јужна Кореја/Јапонија 2002-ра година.
Победник: Бразил.
Општи приходи: 2.5 милијарди долари.
Приходи од ТВ права: 1.6 милијарди долари.
Маркетинг приходи: 810 милиони долари.
Франција 1998-та година.
Победник: Франција.
Општи приходи: 365 милиони долари.
Приходи од ТВ права: 120 милиони долари.
Маркетинг приходи: 245 милиони долари.
