Американските власти дозволија да се употребува „трувада“, лек за спречување зараза со ХИВ вирусот.
Трувада ќе се користи кај лицата што се изложени на висок ризик да се заразат со ХИВ.
Лекот ќе ја зајакнува отпорноста на организмот против вирусот, а исто така ќе придонесе за побезбеден сексуален однос доколку еден од партнерите е веќе заразен, соопшти американската агенција за храна и лекови.
Лекот „трувада“ се наоѓа на пазарот во САД уште од 2004 година и неговото појавување беше поздравено од голем број експерти од целиот свет.
Некои научници тогаш истакнаа дека пуштањето во употреба на овој лек ќе ги охрабри тие кај кои постои висок ризик од заболување, но ќе ги разочара веќе заразените.
