Британската компанија Euro BPO ќе го проширува бизнисот во Македонија

Директорот на Агенцијата за странски инвестиции и промоција на извозор на Р. Македонија, Висар Фида, денес (09.05) на прес-конференција ја најави новата британска инвестиција во земјата.
Станува збор за британската компанија Euro BPO компанија која се занимава со аутсорсинг на бизнис процеси за британски и глобални клиенти.
“Се работи за нова британска инвестиција која во наредниве 4 години ќе отвори 350 нови работни места. Компанијата веќе има канцеларија во Скопје и сега се прошируваат со уште една канцеларија во Скопје. Во иднина планираат да отворат и канцеларии во други градови во Македонија”, изјави директорот на Агенцијата, Висар Фида.

На прес конференцијата свое обраќање имаa и претставници од британската компанија кои истакнаа дека избрале да инвестираат во  Македонија поради инфраструктурните фактори, но и квалитетните кадри-работници кои ги запознале при посетата на земјата. Почетната инвестиција во земјата е 250 ијлади фунти со намера да се зголемува во иднина.

Со оваа инвестиција ќе се отворат нови работни места за млади економисти, менаџери, сметководители и компјутерски инженери од земјата. Во иднина компанијата планира освен веќе отворената канцеларија во Скопје, да отвори уште неколку канцеларии и во останатите градови во Македонија.