„Nissan“ неодамна на саемот во Пекинг го претстави концептот „Lanina“, а компанијата веќе покажа дека овој модел би можел да се појави во производна верзија. Во соопштението за медиумите, шефот за планирање на „Nissan“ изјавил дека овој автомобил би можел да биде и производен тип на возило.
Енди Пламер рекол дека и покрај тоа што компанијата се уште не потврдила дали овој модел ќе се најде во производство, вреди да се напоме дека постои намера тоа да се случи во иднина.
Како што претходно беше нагласено, концептот „Lanina“ е наменет за младата генерација на Кинези кои се родени во осумдесетите години на минатот век и кои полека стануваат основна возачка сила во оваа земја.
Инаку овој модел позајмува бројни делови од други концепти на „Nissan“, вклучувајќи го „V-motion“ предниот дел, лебдечкиот покрив и светлата во форма на бумеранг.