„Calibra“, спортското купе на „Opel“ од деведесетите години на минатиот век, секако дека заслужува свој наследник, но и натаму останува прашањето кога тој навистина ќе се појави на пазарот.
Сепак, независните дизајнери не мируваат и пред нас е уште една од компјутерските слики кои покажуваат како новата „Calibra“ евентуално би можела да изгледа.
Како база на овој модел послужи „Opel Cascada“, нормално без мекиот преклопен покрив и со преден дел од минатогодишниот концепт „Monza“.
Останува да се види дали раководството на „Оpel“ конечно ќе се одлучи да го претстави наследникот на еден од најпопуларните нивни модели од минатото.
