Украинската гривна на меѓубанкарскиот пазар на Украина во текот на денешното тргување зајакна во однос на доларот за 0,5 проценти во споредба со понеделникот.
Вредноста достигна 9,45 гривни за долар.
Во почетокот на тргувањето курсот на доларот порасна за 2,1 проценти, на 9,7 гривни, пренесува украинската новинска агенција Униан.
Индексот на украинската берза UX под влијание на зајакнувањето на гривната порасна за 0,8 проценти на 1.090,7 берзански поени, откако утринава се намали за 0,79 проценти на 1.073,57 поени.
