Највисоката месечна бруто плата која е исплатена минатата година во Црна Гора изнесувала 86.000 евра, велат во Даночната управа и додаваат дека првите пет бруто исплати изнесувале од 60.000 до 86.000 евра за еден месец.
Прописите забрануваат да се објави името на оној на кој е исплатена платата, но според податоците од Даночната управа во Црна Гора најмногу се платени вработените во финансискиот и банкарскиот сектор, телекомуникации и угостителство.
Најмногу се заработува, како што објаснуваат, од остварени бонуси, кои се плаќаат на почетокот на годината.
-Бонус може да се смета како надомест на менаџерот, или друг вработен кој му го исплатува работодавецот, и обично вакви исплати се даваат на високо-профитабилни индустрии.