Тимот на Мерцедес успеал да убеди двајца од инженерите на Ред Бул да го напуштат четирикратниот шампион кај конструкторите во Формула 1 и да преминат во нивните редови, пренесе германскиот весник „Билд“.
Според медиумот, одговорниот за моторната динамика, Марк Елис и шефот на одделот за симулатор Жил Вуд, веќе се договориле со Мерцедес.
„Овој потег нема да е пријатно новогодишно изненадување за Себастијан Фетел“, коментира дописникот на „Билд“, Никола Пол.
Се смета дека двајцата инженери ќе почнат со работа во новиот тим, од јуни 2014-та година, а од Мерцедес се надеваат дека со овој чекор ќе успеаат да ја прекинат доминацијата на Ред Бул.