29 март, 2024
ПочетнаЕКОНОМИЈАКратки вести од светот

Кратки вести од светот

najnovi-vesti1

Вашингтон – Работниците во рестораните за брза храна во САД повторно штрајкуваат и се одлучија да ја прекинат работата на 24 часа, за да се изборат за повисоки дневници. Штрајкови се одржуваат во Њујорк, Чикаго, Вашингтон, Детроит, Питсбург и други градови, а синдикатите бараат за час да добиваат федерален минимум од 15 долари. Моментално им се исплатува двојно пониска сума, која е одредена пред 4 години.

Вашингтон – Министрите за трговија од сите страни на светот покренаа жестока расправа во обид да го спасат пакетот трговски мерки последниот ден на состанокот на СТО. Предупредуваат и дека неуспехот да се постигне договор може трајно да го загрози опстанокот на Светската трговска организација.

Брисел – Европската инвестициона банка ЕИБ соопшти дека со 80 милиони евра ќе го кредитираат проширувањето на Аеродромот во Загреб. Како што е прецизирано ЕИБ ќе ја финансира првата фаза од проширувањето на загрепскиот аеродром која вклучува изградба на нов патнички терминал на 65.000 квадратни метри и поврзување на земјишната и авионската инфраструктура. Постоечкиот патнички терминал ќе биде во функција се додека не се отвори новиот терминал.

Пекинг – Украина и Кина не го склучија најавениот кредитен аранжман во текот на посетата на украинскиот претседател Виктор Јанукович во Пекинг, објавено е во Пекинг. Јанукович на крајот на престојот во главниот град на Кина рече дека двете страни, во текот на неговата посета, потпишале 10 договори врз чија основа можно е да се очекуваат кинески инвестиции во украинското стопанство од околу осум милијарди долари, пренесе порталот Еизвестиа.

Москва – Изградбата на Јужен тек ќе продолжи по планот и во целосна согласност со локалните закони и меѓународните стандарди, порачуваат од Гаспром. Како што е соопштено од рускиот нафтен гигант, стандардна пракса е големите прекугранични инвестиции да се поддржат со меѓудржавни договори за да се обезбеди правна сигурност и стабилност за инвеститорите.

Брисел – Европската централна банка ЕЦБ ја задржа референтната каматна стапка на рекордно ниско ниво од 0,25 отсто. Последната одлука на ЕЦБ следеше по минатомесечното ненадејно намалување на референтната каматна стапка за четвртина процентнен поен.

Вашингтон – Стопанството на САД во третото тромесечје порасна 3,6 отсто на годишно ниво, што е значително над првичните проценки, соопшти американското министерство за трговија. Според поранешните проценки, БДП на САД во периодот од јули до септември треба да порасне 2,8 отсто, додека повеќето аналитичари очекуваа раст од 3 отсто.

Лондон – Мерките за штедење во Велика Британија ќе останат на сила и следните години, иако стопанството на таа земја зајакнува многу побрзо од другите земји, наведе британската влада. Британскиот министер за финансии Џорџ Озборн, говорејќи за плановите за потрошувачката и даноците, најави дека Британија може да има буџетски суфицит на крајот на оваа деценија.

Мадрид – Агенцијата за проценка на кредитната способност Мудис соопшти дека гледа напредок во состојбата на јавните финансии на Шпанија и намалување на долгот во приватниот сектор. Оваа бонитетска куќа соопшти дека го променила рејтингот на владините обврзници од негативен на стабилен, иако генералниот рејтинг останува на Баа3, што значи умерен кредитен ризик.

Подгорица – Владата на Црна Гора донесе одлука за ново кредитно задолжување во висина од 100 милиони евра. Како што е соопштено од Министерството за финансии, кредитното задолжување од 100 милиони евра подразбира кредит од 15 милиони евра кај Ерсте банка, кредит од 15 милиони евра кај Сошиете женерал Монтенегро банка, како и емитување на еврообврзници во износ од 80 милиони евра.

Москва – Инфлацијата во Руската Федерација оваа година ќе се движи од 6,3 до 6,5 отсто, смета помошник претседателот на Русија за економски прашања Анреј Белоусов. Меѓутоа, Белоусов додаде дека повеќе е загрижен што кумулативната инфлација на крајот на ноември била 5,9 отсто.

Загреб – Аеродромот во Загреб го презема концесионер кој најави дека во следните три години ќе изгради нов патнички терминал, ќе го зголеми прометот и ќе ги задржи сите вработени. Анте Дујиќ од Координацијата на синдикатите на Аеродромот во Загреб (ЗЛЗ), изјави за новинарите дека тој концесиски договор е само продолжеток на она што во Хрватска веќе многу пати го виделе и дека на крај сето тоа ќе го платат хрватските граѓани и уште повеќе вработените во ЗЛЗ.

НАЈНОВИ ВЕСТИ

ХОРОСКОП