„Mercedes“ претстави суперавтомобил, кој за жал, нема да го видиме по патиштата, но кој свое место ќе има во новото издание на видео-играта „Gran Turismo“.
Некогаш автомобилите од реалниот свет беа траспортирани во фиктивниот универзум на видео-игрите. Во меѓувреме производителите на автомобили и дизајнери започнаа да креираат модели специјално за компјутерските игри.
Еден од таквите автомобили кој го одзема здивот е и „Mercedes AMG Vision Gran Turismo“.
Иако ќе немаме можност да го видиме на патеките и патиштата, „Mercedes“ направи модел во размер 1:1 во чест на отворањето на својот истражувачко-развоен центар во Калифорнија.
Направен за возење во виртуелниот свет, овој возбудлив супер-спортски автомобил за погон доби „V8 AMG“ мотор кој е во состојба да произведе 585 ks (430 kW) и 800 Nm максимален вртежен момент.
Играта „GranTurismo 6“ ќе има премиера на 6-ти декември.