Финансиската групација „Edmond de Rothschild“ со седиште во Женева ќе отвори банка во Лондон, како дел од рамките за развој на своите активности на меѓународниот пазар.
Приватната швајцарско-француска банка со која управуа Бенџамин де Ротшилд, син на основачот на компанијата Едмонд де Ротшилд, веќе три децении е присутна во британската престолнина, а сега за прв пат во својот делокруг на работа ќе вклучи и услуги на комерцијална банка.
Во новата канцеларија, која ќе се наоѓа во досегашниот деловен простор на компанијата во западниот дел на Лондон, во почетокот ќе работат 20 службеници, а подоцна се планира проширување на вкупно 150 вработени.
Групацијата „Edmond de Rothschild“ досега работеше во Женева, Париз и Луксембруг, а Лондон ќе биде четвртата бизнис дестинација.