Богатите луѓе го стекнале своето богатство, меѓу другото, така што усвоиле некои навики и модели на однесување кои им помагаат да го задржат своето богатство. Еве неколку добри навики кои се заеднички за сите богати луѓе.
Поставуваат цели
Луѓето не стануваат случајно богати, тие пред се поставуваат цели кои ги водат до тоа да станат богати. На крајот, тие цели и ги остваруваат.
Се фокусираат на една по една работа
Богатите луѓе пред себе поставуваат наизглед неостварливи цели, но додека на ум им е таа цел, се посветуваат потполно со работите кои моментално ги работат и се фокусираат на нив. Сите тие наизглед обични работи, всушност, водат кон остварување на примарната цел.
Го почитуваат времето
Со оглед на тоа дека брзо мислат и многу работат, овие луѓе немаат време за губење. Тие многу го ценат времето, а кога го трошат на безначајни работи, чувствуваат грижа на совест. Затоа ретко ќе најдете богат човек кој бесцелно лута по интернет сајтовите или менува ТВ канали без никаква посебна цел.
Трошат помалку отколку што заработуваат
Проблем кај луѓето кои никако не можат да заштедат пари е тоа што нивните трошоци редовно ги следат нивните примања, па ако примањата се зголемат, се зголемуваат и трошоците. Луѓето кои стануваат и остануваат богати, никогаш не ги трошат своите приходи до крајни граници. Обидете се и вие секој месец да заштедите 10 проценти од заработката, но не штедете откако сте потрошиле за се што сте сакале, туку прво одвоите ги парите за штедење, па потоа трошете го остатокот.
Напорно работат
Без оглед на тоа дали богатството го стекнале или го наследиле, богатите луѓе по правило вредно работат на неговото зголемување и задржување. Оние кај кои тоа не е случај, многу ретко остануваат богати.
Константно учат
Меѓу богатите важи правилото „што повеќе знаеш толку повеќе заработуваш“, па моќта на учењето е еднаква на моќта на заработувањето.
Се движат во богати кругови
Богатите луѓе немаат сиромашни пријатели, а оние кои се дружат со богатите, или со оние кои се потенцијални богаташи, и самите еден ден ќе имаат значајно богатство.
Решителни се
Богатите луѓе едноставно не се откажуваат. Тие можеби не доаѓаат до своето богатство на начини кои најпрво ги замислиле, но после сите падови успеваат да се издигнат па на крајот го пронаоѓаат својот пат до богатството.
Преземаат само пресметани ризици
На богатите луѓе ризиците не им се непознати, а кога ќе се одлучат да дојдат до нешто, ќе направат се за да дојдат до тоа, па дури да е тоа и под големи ризици. Тие знаат колку би ги чинела некоја одлука и подготвени се на тоа и никогаш не ги посветуваат сите надежи на една работа.
Дарежливи се
Колку и да звучи ова контрадикторно, ако погледнете во животите на некои од најбогатите луѓе на денешницата, ќе видите дека тие всушност се огромни филантропи. Листата со вакви луѓе е долга, а некои од нив се Рокфелер, Ендрју Карнеги, Бил Гејтс…
