Научниците открија дека пектинот присутен во кората на цитрусните овошја може да биде клучна состојка во борбата против анксиозноста.
Истражувањата покажаа дека земањето само 20 грама пектин секој ден го подобрува менталното здравје на луѓето кои се борат со стресот.
Истражувачите од Универзитетот во Нотингем и Универзитетскиот колеџ во Даблин веруваат дека пектинот може да биде природен и исплатлив третман кој е многу помалку штетен од антидепресивите.
Влијание на пектинот
Во пилот студијата спроведена во текот на четири недели, суплементацијата со низок метоксилен пектин покажа ефект врз широк опсег на цитокини – протеини во имунолошкиот систем кои се поврзани со воспалителни процеси и анксиозност.
„Влијанието на пектинот врз исходите од анксиозноста кај луѓето отвора голем број потенцијални клинички решенија. Со оглед на силниот безбедносен профил на пектинот, нутритивните додатоци со овој природен полисахарид претставуваат безбеден и рентабилен нефармаколошки пристап за подобрување на долгорочниот ментална благосостојба на поединци кои се борат со анксиозност“, истакнаа научниците.
Сепак, важно е да се забележи дека ефектите на ниско-метоксилен пектин биле тестирани на здрави доброволци, така што овие наоди не можат автоматски да се применат на клиничката популација.
Потребни се идни студии за да се оцени улогата на суплементацијата на пектин во намалувањето на анксиозноста и антиинфламаторните ефекти кај пациентите.
Во истражувањето учествувале 29 здрави луѓе кои како контролна група добивале 20 грама ниско метоксилен пектин дневно или 10 грама малтодекстрин.
Нови пристапи
Други 15 учесници добија постепено зголемување на дозата – 5 грама на ден во текот на првите две недели, 10 грама во текот на третата и четвртата недела и 15 грама во последните две недели.
Наодите, објавени во научното списание „Nutrients“, покажаа дека оние кои земале 20 грама пектин доживеале намалување на проинфламаторните маркери и значително намалување на анксиозноста.
Истражувачите додадоа:
„Според нашите сознанија, ова е прва студија која покажа значително намалување на оценките за анксиозност кај луѓето“.
Овие студии ја отвораат вратата за нови пристапи во лекувањето на анксиозноста, што може да има значително влијание врз менталното здравје на многу луѓе, пренесува „Express“.
