По повод Денот на осигурувањето денеска Агенцијата за супервизија на осигурување ќе одржи свеченост, а Националното биро за осигурување ја организира Петтата меѓународна конференција , „Предизвици на
осигурителната индустрија во Република Македонија“.
На свеченоста ќе се обратат заменик претседателот на Владата и министер за финансии Зоран Ставрески, претседателот на Советот на експерти на Агенцијата за супервизија на осигурувањето Климе Попоски и претседателот на Управниот одбор на Национално биро за осигурување Зоран Нарашанов.
Во рамки на манифестацијата предвидено е доделување на Плакета за најдобар истражувачки труд од областа на управување со ризици и осигурување во Република Македонија за 2013 година, како и доделување на Уверенија за положен стручен испит за добивање на дозвола за работа како овластен актуар.
