Можноста мајката да го продолжи породилното боледување со три месеци неплатено отсуство, за која размислува Владата, според претседателот на Сојузот на синдикати на Македонија (ССМ) Живко Митревски е унапредување на правата на жената работник.
– За разлика од она што се случува во другите држави, каде породилното отсуство се намалува и на шест месеци, ние имаме еден тренд на обезбедување дополнителни права кои ќе го заштитат мајчинството и побезбеден живот на децата, изјави на денешната прес-конференција Митревски одговарајќи на новинарско прашање.
Тој информира дека покрај тоа што се дава можност работодавачот по барање на жената да и дозволи дополнително неплатено породилно остсуство во траење од три месеци и договорот со Министерството за здравство за тоа време да и се плаќаат здравствените придонеси, исто така, работодавачот е обврзан да го зачува тоа работно место во компаниијата во која работела работничката.