4 мај, 2024
ПочетнаЕКОНОМИЈАУлрике Волф: Македонија е мала економија и тоа е нејзината предност

Улрике Волф: Македонија е мала економија и тоа е нејзината предност

Flag-Pins-Macedonia-Germany

Македонија е мала економија, но тоа има и предности, како што е можноста за побрзо дејствување што треба да се искористи, смета Улрике Волф, раководител на Одделот за надворешна економија и маркетинг при баварското
Министерство за економија и медиуми, енергија и технологија.

Волф во разговор за Дојче Веле оценува дека Македонија, споредено со останатите земји во регионот, се позиционира релативно добро во економската размена со Германија.

– Не може директно да се прави споредба на Македонија со пазарите кои се многу, многу големи. Значењето може да се согледа ако се види дека Баварија во германско-македонската трговија има удел од 25 отсто и ако се знае дека Македонија е пред Србија.

Србија има повеќе жители, но Македонија има поголем надворешнотрговски волумен. Оттука може да се види дека посебните шанси што ги има Македонија се огледуваат и во бројките, изјави Волф.

Според неа, Македонија има услови кои се добра подлога за инвестирање.

– Она што државата можела да го стори, го има направено. Рамковните услови за инвестирање во земјата се многу добри, особено даночната стапка од 10 проценти на персоналниот данок и на данокот на добивка, како и договорите што земјата ги има склучено со многу европски земји за избегнување на двојното оданочување, посочи Волф.

Таа заедно со делегација на германски стопанственици, меѓу кои претставници на компании од областа на енергетиката, металопреработувачката индустрија, информатичката технологија и медицината, пред една недела беше во Македонија, каде имаше прилика да разговара со вицепремиерот за економски прашања Владимир Пешевски и министерот за странски инвестиции Бил Павлески. Делегацијата ја посети и Технолошко индустриската развојна зона Скопје 1 во Бунарџик.

– Најинтересното што на претприемачите може да им се понуди е добар контакт со фирми, валиден економски контакт врз којшто ќе можат да ги надградуваат односите.

Според она што лично го добив од претприемачите како информација, пошироко истражување на мислењата е во тек, тие се задоволни со контактите, но натамошниот развој ќе покаже дали тие контакти ќе бидат основа за нешто повеќе. Јас сум оптимист, вели Улрике Волф.

НАЈНОВИ ВЕСТИ

ХОРОСКОП