Стапката на стареење на човечкиот мозок во поголема мера зависи од општото здравје и начинот на живот. Според научните истражувања, мозокот може да старее побрзо од оптимално, особено ако се присутни знаците претставени подолу.
Финските научници објавија интересна студија во која покажаа дека многу цинични постари луѓе имаат поголема стапка на когнитивен пад. Но, тоа не е сè, бидејќи тие, исто така, генерално умираат порано. Главната причина за тоа е, меѓу другото, зголемениот кортизол, кој се создава во стресни ситуации и негативно влијае на здравјето на мозокот.
Иако е тешко да се концентрирате за време на голема возбуда и напнатост, потребно е внимание доколку тоа постојано ви се случува. Истражувачкиот тим на USC откри дека постојаното талкање на вниманието е знак на когнитивно стареење. Оваа особина може да се појави во мозокот веќе на 30-годишна возраст и е еден од знаците за можна Алцхајмерова болест.
Ако имате проблеми да се концентрирате кога сте под стрес, когнитивното тестирање може да помогне да се утврди дали сте склони кон когнитивно опаѓање. Менталните игри како што се загатки и крстозбори можат да бидат корисни за зајакнување на вашата способност за концентрирање.
Ако заборавите некој термин и слично, тоа не значи многу, бидејќи тоа може да му се случи на секого. Кога постојано заборавате што сте се догобориле да правите, сосема ненамерно, а тоа ви го посочуваат пријателите, сфатете го овој фидбек сериозно.
„Пациентите што ги гледам и кои имаат проблеми со меморијата обично не препознаваат дека ги имаат и веруваат дека нема ништо лошо со нив“, вели Томас Р. Видиќ, соработник на Американската академија за неврологија.
Но, тоа е многу важен знак на кој треба да внимавате, затоа слушајте што ви кажуваат вашите пријатели и семејството и добијте соодветен медицински совет.
Прекумерниот замор е уште една клучна карактеристика нагласена во неколку студии, вклучувајќи ја и студијата за стареење на клиниката Мајо.
Да се биде уморен во текот на денот не само што значи дека мозокот не го добива соодветниот ресторативен одмор што му е потребен во текот на ноќта, туку може да влијае на физичките промени во мозокот кои се поврзани со стареењето.
„Спиењето е важен заштитник на мозокот“, вели Нил Граф-Радфорд, професор по неврологија во клиниката Мајо во Флорида. Тој додава дека истражувањето покажало дека апнеја при спиење всушност може да го намали хипокампусот – клучен дел од мозокот поврзан со учењето и меморијата. Најмалку седум до осум часа квалитетен сон навечер се препорачува за здравјето на мозокот.
