Силното невреме „Ајша“ продолжува да влијае на цената на природниот гас и струјата во Европа. Производството на електрична енергија од турбините на ветер во Германија достигна нов рекорд во понеделникот (22-ри јануари), откако го подобри претходниот непосредно пред Божиќ, пишува „Bloomberg“.
Во Британија, турбините на ветер работат под врвот од декември, но тие произведуваат околу 50% од енергијата на Островот. Уделот на гасните постројки е под 20%.
Цената на струјата во Германија падна на речиси 15 евра за мегават час, а во Франција на 15,20 евра за мегават час „интраден“ во сесијата на „Epex Spot“.
„Bloomberg“ објави дека новите зелени централи кои се изградени во Европа од почетокот на војната во Украина досега всушност успеале да ја намалат зависноста на континентот од природен гас. Целосните капацитети за складирање на гас исто така помагаат на состојбата на пазарот. Според податоците на „Gas Infrastructure Europe“ (GIE), од 21-ви јануари складиштата на гас во Европа се полни до 75% од својот капацитет, а во најголемата економија и најголемиот потрошувач на гас во Европа – Германија, нивоата се дури и над Европски просек – нешто над 78%.
И покрај неколкуте ладни бранови, зимата е генерално блага, што значи и помала потрошувачка на гас за греење. Прогнозите укажуваат на загревање кон почетокот на февруари, но и уште неколку ладни бранови после тоа. Сепак, пазарното тргување станува помалку чувствително на температурните флуктуации оваа зима.
Статистиката на холандската берза ТТФ покажува дека цената на гасот во сегментот „интраден“ се тргува за нешто повеќе од 27 евра за мегават час*. Во текот на денот цената се намали за 4% во однос на крајот на тргувањето во петокот (19.01), а немаше влијание ниту затворањето на еден од главните руски терминали за течен гас на Балтичкото Море – Уст-Луга.
Од почетокот на годината суровината поевтини за 12,5 отсто на позадината на неколкуте студени бранови што поминаа низ Европа.
