Сосема е нормално да размислуваме за смртта, особено кога станува збор за начините на кои таа може да ни се случи.
Некои можеби се загрижени за умирање во сон, но за среќа, освен ако немате одредена медицинска состојба, веројатноста тоа да се случи е релативно мала.
Постојат многу причини зошто некој може да умре во сон, но постои тенденција да се фокусираме на три од нашите најважни органи.
„Умирањето во сон обично е поврзано со срцето, белите дробови или мозокот“, објасни за „Newsweek“ д-р Милинд Совани, консултант за респираторна медицина во универзитетските болници во Нотингем, „NHS Trust“.
Кога спиеме, помала е веројатноста да бидеме способни да одговориме на сигналите кои би можеле да укажат дека нешто не е во ред со овие органи.
„Ако стојам и имам пауза од 10 секунди во чукањето на срцето, ќе паднам, ќе се онесвестам и силно ќе удрим на подот и некој ќе го слушне тоа“, изјави кардиологот Џек Флаер за „The Wall Street Journal“.
„Кога спиете, едноставно не можете да одговорите на себе и на вашите симптоми“, пишува „IFL Science“.
Срце
Според Самит Чаг, медицински директор на Центарот за срцев ритам „Cedars-Sinai“, ненадеен срцев удар (SCA) е одговорен за 90 отсто од ненадејните и неочекувани смртни случаи за време на спиењето, познати и како ноќни смртни случаи. Луѓето со поголем ризик од „SCA“ вклучуваат оние со коронарна артериска болест, зголемено срце или неправилно чукање на срцето (често брзо, исто така наречено вентрикуларна фибрилација).
„SCA“ се јавува кога срцето наеднаш престанува да чука, што пак го прекинува протокот на крв во главните органи и може да доведе до смрт без итен третман – 22 проценти се јавуваат помеѓу 22 и 6 часот наутро.
Респираторен тракт
Опструктивната ноќна апнеја (ОЅА) исто така може да игра улога во смртта за време на спиењето. Луѓето со „OSA“ може да имаат повеќе од 2,5 пати поголеми шанси да доживеат ненадејна срцева смрт помеѓу 12 и 6 часот наутро отколку оние без опструктивна ноќна апнеја. „OSA“ вклучува стеснување на мускулите на дишните патишта, накратко запирајќи го дишењето на една личност. Ова предизвикува недостаток на кислород и за возврат ги зголемува отчукувањата на срцето и крвниот притисок, што д-р Чаг вели дека го зголемува ризикот од „SCA“.
Сепак, самата „ОЅА“ често не е причина за ненадејна смрт среде ноќ. Почесто се поврзува со ненадејна смрт во средината на ноќта кога друга состојба се влошува, како што е проблем со срцето.
Мозокот
Епилепсијата е честа состојба која влијае на мозокот, во која луѓето доживуваат повторливи напади. За луѓето чии напади не можат целосно да се контролираат со лекови, ненадејната неочекувана смрт при епилепсија (SUDEP) е водечка причина за смрт. Иако причините за „SUDEP“ не се целосно јасни, тој често се јавува ноќе, а некои истражувања сугерираат дека спиењето може да го зголеми ризикот од негово појавување.
Мозочниот удар може да биде одговорен и за ненадејна смрт во текот на ноќта. Околу 25 проценти од мозочните удари се случуваат за време на спиењето, а состојбите како „ОЅА“ исто така може да го зголемат ризикот. Тие се појавуваат кога згрутчување или пукање на крвниот сад спречува крвта да стигне до мозокот. Без снабдување со кислород, мозочните клетки умираат, а делови од телото кои влијаеле на контролните области на мозокот повеќе не можат да функционираат правилно, што на крајот може да стане фатално.
Разговарајте со вашиот лекар
За оние со медицински состојби кои може да го зголемат ризикот од смрт при спиење, се препорачува да разговараат со лекар кој ќе може да ги земе предвид факторите како што се начинот на живот и семејната историја. За сите останати, според Чаг, ризикот од ненадејна смрт е релативно низок.
Со цел да се задржи овој ризик низок, лекарите препорачуваат да се грижите за вашето здравје, да спиете доволно и да вежбате и да јадете здрава исхрана.
