Американската медиумска групација „Discovery Communications“ пред крајот на тековната година има намера да го зголеми на 100 проценти својот удел во спортскиот канал „Eurosport“, соопштува францускиот финансиски весник „Les Echos“.
Одлуката на американската компанија значи забрзување на постапката која веќе е договорена со актуелниот сопственик на „Eurosport“, францускиот медиумски конгломерат „TF1“.
Договорот за продажба на „Eurosport“ е со вредност од 850 милиони евра, а е потпишан уште во 2012-та година.
Телевизискиот канал се емитува во 217 држави и територии, додека програмата на овој канал ја следат 1,8 милијарди луѓе .
„Les Echos“ наведува дека прометот на „Eurosport“ за 2012-та година изнесува 390 милиони евра.
