Основачот на дизајнерската куќа, Едвард Греј, по концептот кој беше заснован на „Saab 9-3“ се враќа во јавноста со нова студија, инспирирана од дизајнерското движење „Art Noueau“.
Наречен „Nouvair“, oвој концепт носи елегантен дизајнерски јазик, чија инспирација потекнува од делото на чешкиот сликар Алфонс Муше, еден од познатите претставници на „Art Nouveau“ од крајот на XIX-тиот и почетокот на XX-тиот век.
Иако самиот дизајн е извонреден, се чини дека линиите на некои места се премногу комплицирани, па некои делови на автомобилот изгледаат како да се дополнително додадени, односно не се во склад со автомобилот.
Се разбира, сето тоа е прашање на вкус, но сепак станува збор за интересен концепт кој заслужува да му се посвети внимание. Повеќе детали за него може да очекуваме во текот на овој месец.
