23 мај, 2024
ПочетнаЕКОНОМИЈАДекарбонизацијата е во втор план, челикот е новиот проблем за автомобилскиот сектор

Декарбонизацијата е во втор план, челикот е новиот проблем за автомобилскиот сектор

Производителите на автомобили, вклучително и лидерите „Toyota“ и „Volkswagen“, мора да го декарбонизираат снабдувањето со челик и да ја намалат потрошувачката на материјалот со намалување на големината на моделите, предупреди „Greenpeace“.

Бидејќи транзицијата кон електричен погон го намалува количеството на стакленички гасови што се испуштаат за време на нивната употреба, велат од организацијата, зголемениот удел на емисиите во животниот циклус на автомобилите ќе потекнуваат од материјалите со кои се направени.

Во 2021-ва година, 16-те најголеми производители на автомобили во светот потрошиле помеѓу 40 и 67 милиони тони челик, исто така посочува „Greenpeace“, пресметувајќи дека јаглеродниот отпечаток на употребените челични материјали достигнува најмалку 77 милиони тони јаглерод диоксид (CO2) во текот на една година.

И покрај нето-нула обврски, производителите на автомобили не презеле „конкретна акција“ за да го декарбониизираат снабдувањето со челик, се вели во извештајот.

„Ниту една од овие компании не го открива јаглеродниот отпечаток на челичните материјали што ги користат“, нагласи организацијата, чии пресметки за потрошувачката на челик од страна на производителите на автомобили се засноваат на податоци за продажба од трети страни од компанијата за индустриска анализа „Marklines“. Тие исто така вклучуваат информации за различни модели и проценета тежина на автомобили, заедно со историски податоци за јаглерод интензитетот на производството на челик од Светската асоцијација за челик.

Производителите на автомобили кои потрошиле најмногу челик минатата година и во 2021-ва година поради големиот обем на продажба, вклучително и спортските автомобили, се „Toyota Motor Corp“, „Volkswagen AG“ и „Hyundai Motor Group“. Во изјавите за „Reuters“, „Toyota“ и „Volkswagen“ рекоа дека имаат за цел да станат јаглеродни неутрални до 2050-та година, а „Hyundai Motor Group“ рече дека „Hyundai Motor“ и „Kia“ ги „забрзуваат напорите“ да станат јаглеродни неутрални во сите нивни деловни операции.

„Stellantis“, светскиот производител на автомобили број 3 според продажбата, кој е наведен како четврти најголем корисник на челик од „Greenpeace“, вели дека има за цел да биде целосно јаглеродно неутрален до 2038-ма година.

„Toyota“, исто така, работи на истражување на технолошкиот развој и употребата на челични материјали со ниска содржина на CO2, како што е челикот произведен со употреба на редукција на водород и нискојаглероден челик. Од 2021-ва година, најголемиот светски производител на автомобили одржува редовни информативни состаноци со добавувачите за да промовира активности за намалување на CO2 и се среќава со нив, вклучително и производителите на челик, поединечно секоја година за да објасни што очекува во однос на намалување на емисиите на CO2, се вели во соопштението на „Toyota“.

Портпаролот на „Volkswagen“ рече дека намалувањето на емисиите на CO2 во синџирот на снабдување е „клучен елемент“ на стратегијата на компанијата, која се фокусира на намалување на емисиите на CO2 каде што главно се генерираат за време на производството на одредено возило.

НАЈНОВИ ВЕСТИ

ХОРОСКОП