недела, 5 февруари 2023
ПочетнаЕКОНОМИЈАБил Гејтс инвестира милиони долари во стартап кој сака да спречи подригнување...

Бил Гејтс инвестира милиони долари во стартап кој сака да спречи подригнување на кравите

Ко-основач на Мајкрософт, милијардер и поранешен најбогат човек во светот, Бил Гејтс инвестираше нови средства во борбата против климатските промени. Гејтс инвестираше пари во австралискиот стартап Rumin8, кој планира да ги намали емисиите на метан во атмосферата што се создаваат со подригнување на кравите.

Метанот е најчестиот стакленички гас по јаглерод диоксидот (CO2). Добитокот како што се кравите, козите и елените произведуваат метан кога нивниот стомак ги разградува цврстите влакна, како што е тревата, за време на варењето. Овој процес на ферментација создава гас метан, кој потоа главно повторно се исфрла преку подригнување.

Морски алги како решение

Научните студии покажаа дека хранењето на кравите со морска трева може значително да ги намали таквите емисии на метан. Затоа, споменатиот австралиски стартап работи на додаток за добиточна храна кој е синтетички реплициран од црвените алги и кој го запира формирањето на метан за време на процесот на варење во стомакот на говедата.

Rumin8 собра 12 милиони долари во инвестиција предводена од Breakthrough Energy Ventures (BEV), инвестициска фирма основана од Гејтс уште во 2015 година. BEV е поддржан и од извршниот директор на Amazon Џеф Безос и кинескиот претприемач и ко-основач на Alibaba Џек Ма.

Бевме многу задоволни од приемот што го добивме од фондовите за влијанието на климата ширум светот. Постои вистинска желба да се финансираат решенија за цревни емисии на метан од добитокот и за среќа на Rumin8, тие можат да ги видат придобивките од нашата технологија, рече Дејвид Месина, директор на Rumin8.

Оданочување на сточарите

На крајот на 2022 година, во обид да се реши проблемот со климатските промени, Нов Зеланд предложи да се оданочуваат стакленички гасови произведени од стоката со подригнување и мокрење.

Земјоделците од Нов Зеланд на тој начин ќе плаќаат некаков вид данок на емисиите во земјоделството, а се очекува тоа да биде воведено до 2025 година.

Речиси половина од вкупните емисии на стакленички гасови во Нов Зеланд доаѓаат од земјоделството, главно од емисиите на метан.

Метанот е поголем проблем од CO2

Во 2019 година, метанот во атмосферата достигна рекордни нивоа, околу два и пол пати повисоки отколку во прединдустриската историја.

Она што ги загрижува научниците е дека метанот е вистинска закана кога станува збор за затоплување на планетата, бидејќи поединечните молекули на метан имаат посилен ефект врз загревањето на атмосферата отколку поединечните молекули на CO2.

Во период од 100 години, метанот имал 28 до 34 поголем ефект на затоплување од CO2.

НАЈНОВИ ВЕСТИ

ХОРОСКОП