Никој не спиеше во Аргентина, сите ги чекаа фудбалерите кои станаа светски шампиони. Празничен пречек на улиците во 3.30 часот по полноќ… И играчите за малку ќе се повредеа!
Фудбалската репрезентација на Аргентина конечно пристигна во својата татковина. Тие го освоија Светското првенство во Катар во неделата, а потоа славеа на улиците на Доха, а следното утро преку Рим се упатија кон Буенос Аирес – каде стотици илјади навивачи ги пречекаа по полноќ. Како и не, кога на Аргентина и ја донесоа третата светска шампионска титула, прва од 1986 година, за која живееше цела земја претходниот месец.
Капитенот на репрезентацијата и најдобар играч на сите времиња, Лионел Меси, секако, од авион го извади „Златниот глобус“, а потоа настана општ хаос по улиците на Буенос Аирес додека фудбалерите минуваа во отворен автобус.
Во еден момент се случи речиси сериозен инцидент кога играчите мораа да се пикнат под каблите и за малку ќе испаднеа од автобусот, но за среќа се се заврши добро и забавата можеше да започне.
Целата земја Аргентина чекаше речиси четири децении на ваква прослава и забавата секако ќе трае со денови, бидејќи треба да се „наводeне“ дека се најдобри во светот во фудбалот, а тоа секако не е мала работа.
На навивачите не им пречеше тоа што Меси и неговите пријатели тргнаа од Буенос Аирес во отворен автобус во 3:30 часот, што е доволен знак колку го сакаат фудбалот и дека нема да пропуштат да го видат „другиот Бог“.
Погледнете ги видеата од пречекот на аргентинските фудбалери!
