Рускиот претседател Владимир Путин и кубанскиот претседател Мигел Дијаз-Канел во Москва открија споменик на кубанскиот револуционер и лидер Фидел Кастро.
Тие ветија дека ќе го продлабочат пријателството и односите меѓу двете земји, кои се под санкции на САД.
Кастро, кој ја презеде власта во Куба во 1959 година, нема споменик во својата татковина. По смртта на Кастро во 2016 година, неговиот брат Раул рече дека сака да избегне создавање култ на личноста.
Путин го евоцира споменот на Кастро и му рече на Дијаз-Канел дека двете земји треба да ги градат односите врз „цврстите темели на пријателството“ воспоставени меѓу Кастро и советските лидери.
Путин за споменикот рече дека тој е „вистинско уметничко дело, динамично, кое оди напред, прикажува вистински борец“.
„Мислам дека тоа ја одразува личноста на Фидел во борбата во која се наоѓаме денес“, рече Дијаз-Канел.
Претседателот на Куба: Причините за војната мора да се бараат во агресивната политика на САД
Русија се обидува да ги зајакне политичките и економските односи со земјите кои се противат на американската хегемонија. Куба е под економско ембарго на САД од 1962 година, од комунистичката револуција предводена од Кастро.
Дијаз-Канел изрази солидарност со Русија во Думата, директно поддржувајќи ја причината зошто Москва испратила војници во Украина.
„Причините за сегашниот конфликт мора да се бараат во агресивната политика на САД и проширувањето на НАТО кон руските граници“, рече Дијаз-Канел.
