Пазарите во развој продолжуваат да се пробиваат во крипто-сцената, наоѓајќи различни апликации, особено ако погледнеме што се случува во регионот на Блискиот Исток и Северна Африка (МЕНА). Според извештајот на „Chainalysis“, крипто-пазарот во регионот МЕНА е најбрзо растечки во светот, пишува „Coin Telegraph“.
Обемот на трансакции таму открива дека корисниците добиле 566 милијарди долари во криптовалути помеѓу јули 2021-ва и јуни 2022-ра година. Тоа е за 48% повеќе од една година порано.
Следат Латинска Америка и Северна Америка, со раст од 40% и 36%, соодветно. Во овој регион има 22 земји, вклучувајќи ги пазарите во развој како Мароко, Египет и Турција. Во нив, криптовалутите се користат за заштеда на заштедите и трансфер на пари.
Во земји како Турција и Египет, кои се соочуваат со голема девалвација на нивните локални фиат валути, употребата на криптовалути за заштеда на заштеди и дознаки е особено доминантна.
За разгледуваниот период, тројното зголемување на обемот на трансакциите во Египет се објаснува со локалната економска нестабилност.
Турција е најголемиот крипто-пазар во регионот со примени 192 милијарди долари во текот на извештајниот период. Побогатите земји во регионот МЕНА, како што се Обединетите Арапски Емирати (ОАЕ), дом на крипто-рајот Дубаи, исто така придонесоа за растот на индустријата.
Во земјите од Персискиот залив, гледаме поголема институционална употреба на криптовалутите. Крипто-компаниите од ранг на „Binance“ добија одобрение да вршат операции во Абу Даби и Дубаи во ОАЕ, заедно со соседен Бахреин.
Локалното партнерство со „Binance Pay“ во ОАЕ дури им дозволи на претприемачите таму да создаваат бизниси користејќи криптовалути.
