Американскиот Сенат денеска одобри речиси 40 милијарди долари помош за Украина, како одговор на руската агресија, пренесува Укринформ, но наведува дека документот за да стапи во сила мора да го потпише претседателот на САД, Џо Бајден.
Сенатот со 86 гласа „за“ и 11 „против“ гласаше за пакетот воена, економска и хуманитарна помош, а сите 11 гласа „против“ беа од Републиканската партија.
Претставничкиот дом на американскиот Конгрес го предложи законот на 10 мај.
Шефот на кабинетот на украинскиот претседател Андриј Јермак се заблагодари за помошта, со оценка дека кон победата одат „сигурно и стратешки“, пренесува Радио Слободна Европа.
