Гените играат важна улога во процесот на стареење, но подеднакво важен фактор е и храната која ја внесуваме во телото. Ние не можеме да се избориме против овој природен процес, но можеме да го одложиме со исхрана која е богата со антиоксиданси. Забавите го стареењето и победете ги годините со следните намирници.
Основните правила се да избегнуваме храна која е масна и содржи високо ниво на јаглехидрати. Овошјето, зеленчукот, житариците, гравот… се вашите сојузници во борбата против стареењето.
Ова е листата со намирници кои се богати со антиоксиданси и кои го спречуваат вашето стареење:
Маслиново масло
Може да се најде насекаде во продажба и е достапно за секого. Тоа содржи мононезаситени масти и полифеноли, кои се добри за регенерација на клетките. Користете го како прелив за салата или при печење на месо.
Јогурт
Калциумот е многу важен за зајакнување на коските, а во јогуртот се наоѓа голема количина на овој минерал. Содржи пробиотички бактерии, и помага при варењето на храната. Брзиот метаболизам е природно поврзан со процесот на стареење.
Избегнувајте црвено месо
Црвеното месо предизвикува различни видови на воспаление и ја забавува работата на хормоните. За да се внесат потребните протеини, јадете риба. Сите видови на риби се богати со омега-3 масти, кои се погодни за здравјето на срцето.
Црно чоколадо
Еден од најважните антиоксиданти е флавонидот, а црното чоколадо го содржи во изобилие. Тоа помага за одржување на силни крвни садови.
Ореви
Сите видови на ореви се одличен извор на минерали и мононезаситени масти кои му се потребни на вашето тело. Внесете мала количина на ореви, бидејќи тие содржат многу калории и тешко се варат.
Црвено вино
Здраво е само ако се консумира во умерени количини. Ги штити крвните садови и ги спречува канцерогени и кардиоваскуларни болести.
Бобичесто овошје
Сите видови на бобичесто овошје се добри за вас и вашето тело. Овие плодови се моќни извори на витамини и минерали и постојат многу начини да ги внесете во исхраната. Јадете неколку бобинки за појадок или внесете ги како салата за време на ужинката.
Калинка
Калинката е егзотично овошје и содржи полифеноли, кои влијаат на добриот изглед на вашата кожа.
Спанаќ
Добар е за целокупното здравје, бидејќи содржи широк спектар на витамини и минерали. Богат е со бета-каротен и помага во одржување на видот.
Кељ
Не прескокнувајте оваа намирница да ја вметнете во вашата исхрана. Таа е најбогата со состојки кои влијаат на виталноста на организмот и го забавуваат процесот на стареење.
Зелен чај
Ги неутрализира слободните радикали кои влијаат на стареењето на клетките. Заштитува од штетните УВ зрачења, кои се главен виновник за предвремената појава на брчки.
Лубеница
Ова слатко и вкусно овошје е богато со витамин Ц и лутеин. Тоа се антиоксиданси кои кои имаат двојна функција против стареењето.
Киви
Кивито е недоволно ценето овошје. И покрај тоа што има груба надворешност, внатрешноста на кивито е ризница на богатство со витамин Б.
Грејпфрут
Содржи во себе многу витамин Ц, кој го прави моќен антиоксиданс.
Житарици
Житариците се добри, бидејќи тие содржат јаглехидрати кои влијаат за правилното лачење на инсулин. Некои од житариците се исто така добар извор на селен, кои и помага на вашата кожа да остане еластична.
Домати
Уште еден извор богат со витамин Ц, кој исто така содржи и ликопен, кој е главен во борбата против стареењето.
Брокула
Брокулата е зеленчук кој го мрази секое дете, но ако сте пораснале време е да и се приближите. Тоа е моќно оружје во борбата против слободните радикали, благодарение на витамините и антиоксидансите кои се содржани во неа.
Кајсии
Кајсиите се богати со витамини и антиоксиданси, најмногу се слични на лубеницата.
Грав
Гравот е природно богат не само со антиоксиданси, туку и со протеини. Во случај да сакате да ја прескокнете црвено месо, гравот е одлична алтернатива.
Мед
Слатко, здраво и вкусно. Тој едобра замена за обичниот шеќер. Има антивирусно и антиоксидантни својства, кои го ставаат на листата за здрава храна.
Лук
Се наоѓа во секоја кујна и се меша во секое јадење. Има толку многу рецепти во кои лукот е суштински елемент. Има антивирусен ефект и е природен извор на антиоксиданси.
Морков
Природно силен антиоксиданс, богат со каротин и витамини од групата A. Морковите се добри за очите, и ја штитат кожата од штетните ефекти на сонцето.
Диња
Дињата е добра за детоксикација на организмот и е богата со витамина А и Ц
Цвекло
Никој не го чисти телото од токсини како цвеклото. Вкусот не му е баш на високо ниво, но можете да го помешате со други состојки или од него да направите свежо исцеден сок.
