Постојат четири клучни области каде што би било очигледно како може да се почувствува потенцијална ескалација на тензиите на глобалните пазари.
Безбедни засолништа
Инфлацијата e на највисоко ниво во последните децении и претстојниот пораст на каматните стапки го направија овој лош месец за пазарите на обврзници, но директен конфликт меѓу Русија и Украина може да го промени тоа.
Двегодишните обврзници на американското Министерство за финансии забележаа најголем месечен скок од 2016-та година, а десетгодишните се чинеше дека се движат кон клучните нивоа од 2%. Во Германија, десетгодишните обврзници се искачија над 0% за прв пат од 2019-та година.
Голем ризичен настан обично предизвикува инвеститорите да брзаат назад кон обврзниците, кои се најсигурните средства, и овој пат веројатно нема да биде поинаку, дури и ако руската инвазија на Украина ризикува дополнително да ги зголеми цените на нафтата, а со тоа и инфлацијата.
Другите безбедни засолништа, вклучувајќи го и златото, кое веќе е на највисоко ниво во последните два месеци, како и јапонскиот јен, кој е безбедно засолниште на девизниот пазар.
Пченица и пченка
Секое нарушување на снабдувањето со жито од регионот на Црното Море веројатно ќе има големо влијание врз цените и дополнително ќе ја зајакне инфлацијата на цените на храната во време кога нејзината достапност е голема грижа ширум светот по економската штета предизвикана од пандемијата со Ковид-19.
Четирите главни извозници – Украина, Русија, Казахстан и Романија – испорачуваат жито од пристаништата на Црното Море кои би можеле да се соочат со прекини поради каква било воена акција или санкции.
Се проценува дека Украина би можела да биде трет најголем извозник на пченка во светот во сезоната 2021/22 и четврти најголем извозник на пченица, според Меѓународниот совет за житарки. Русија е најголемиот светски извозник на пченица.
Геополитичките ризици се зголемија во последните месеци во регионот на Црното Море, што може да влијае на идните цени на пченицата.
Нафта и гас
Енергетскиот сектор е особено загрозен во оваа ситуација и би бил многу погоден од развојот на настаните во случај тензиите да прераснат во каков било вид конфликт. Европа се потпира на Русија за околу 35% од нејзиниот природен гас, кој главно доаѓа преку цевководи кои минуваат низ Белорусија и Полска до Германија, „Северен поток 1“ оди директно до Германија и други преку Украина.
Во текот на 2020-та година, количината на испорачаниот гас од Русија во Европа се намали откако блокадите ја потиснаа побарувачката, а ситуацијата не се подобри целосно минатата година кога потрошувачката се зголеми, што придонесе за рекордно високи цени.
Како дел од можните санкции во случај Русија да ја нападне Украина, Германија рече дека би можела да го затвори новиот гасовод „Северен поток 2“ од Русија што се очекува да го зголеми увозот на гас, но ја нагласи и енергетската зависност на Европа од Москва.
Извозот на природен гас од Русија во Западна Европа би можел значително да се намали и преку Украина и Белорусија во случај на санкции и во случај цените на гасот да останат на нивото на кое беа во четвртиот квартал од минатата година.
Оваа ситуација може да има видливо влијание и на пазарите на нафта. Во проценката објавена од „JP Morgan“ минатата недела се вели дека тензиите создале „материјален скок“ на цената на нафтата, истакнувајќи дека зголемувањето на 150 долари за барел ќе го намали растот на глобалниот БДП на само 0,9 проценти на годишно ниво во првата половина од годината, додека инфлацијата би била повеќе од двојно поголема на 7,2 отсто.
Обврзници и валути
Рускиот и украинскиот капитал би можеле, доколку ситуацијата се влоши, да се најдат на врвот на листата на оние кои забележале најголеми загуби.
Доларските обврзници во двете земји се покажаа полоши од повеќето други земји во развој во последниве месеци бидејќи инвеститорите ја намалија изложеноста поради ескалацијата на тензиите меѓу Вашингтон и неговите сојузници од една страна и Москва од друга страна.
Пазарите со фиксен приход во Украина во голема мера се под јурисдикција на инвеститорите на пазарите во развој, додека вкупната позиција на Русија на пазарите на капитал е намалена во последниве години поради санкциите и геополитичките тензии, што донекаде ги ублажува другите закани.
Сепак, големи загуби забележаа и руската рубља и украинската гривна, што ги прави меѓу валутите на пазарите во развој со најлоши резултати од почетокот на оваа година, пренесува порталот „Аnalitica“.
Ситуацијата делумно потсетува на настаните од крајот на 2014-та година, кога имаше значителен пад на ликвидноста, со акумулација на американски долари, што во тоа време предизвика нагло опаѓање на рубљата.
