Компанијата која го произведува и вградува невронскиот компјутерски интерфејс во мозокот вели дека пациент со болест на нервниот систем поради кој останал неподвижен можел да ја сподели објавата на социјалните мрежи само со своите мисли.
Шеесет и две годишниот австралиец на кој му е дијагностицирана амиотрофична латерална склероза – болест што предизвикува парализа – сега е способен да ги комуницира преку мислите со другите, без никаква мускулна активност, објави компанијата „Синхрон“ (Synchron), која ги произведува и имплантира овие невронски чипови.
-Нема потреба да ја притискате тастатурата или да давате гласовни команди. Овој твит го напишав само со своите мисли – се наведува во објавата на Твитер, која, според компанијата, ја напишал и објавил Филип О’Киф на профилот на извршниот директор на „Синхрон“, Томас Оксли.
Објавата беше напишана безжично, со мислите на О’Киф. По прогресивната парализа предизвикана од амиотрофична латерална склероза, минатата година во неговиот мозок беше вграден невронски компјутерски интерфејс „Стентроде“. Имплантот „дизајниран да им овозможи на пациентите безжично да ги контролираат дигиталните уреди со својот ум“ беше вграден низ југуларните вени за да се избегне отворање на черепот.
-Сега само со моите мисли можам да кликнам каде сакам на компјутерот, можам да праќам е-пошта, да ја проверувам банкарската сметка, да купувам онлајн и да испраќам пораки до светот преку Твитер, ги пренесуваат зборовите на О’Киф од компанијата – или мисли.
Пациентот исто така изјавил дека овој „неверојатен“ систем бара многу вежбање, како што е учењето да се вози велосипед, „но штом ќе започне, станува сосема природно“.
И покрај прогресивната парализа, Филип О’Киф сега е способен да работи самостојно и повторно да комуницира и повторно да се поврзе со надворешниот свет, според Synchron, додавајќи дека сè уште се работи за подобрување на нивниот невронски компјутерски интерфејс преку човечки клинички испитувања.
