„Porsche“ ја објави првата фотографија на моделот „918 Spyder“ во својата финална производна верзија.
Иако автомобилската јавност веќе е запознаена со новиот топ модел на „Porshe“, досега од оваа компанија пристигнуваа само фотографии и снимки од неговите прототипови. Сериската верзија нема ништо ново во поглед на дизајнот на овој суперспортски автомобил со хибриден погон.
„Porsche 918 Spyder“ е конструиран така да може да се вози со „ветерот во косата“, но и како класично купе со тврд покрив со оглед дека дизајнираните покривни панели можат рачно да се отстранат и да се сместат во багажникот во предниот дел на автомобилот.
Од „Porsche“ претходно беше потврдено дека хибридниот погон ќе се состои од 4.6 литарски „V8“ агрегат кој развива 447 kW/608 ks и 530 Nm, како и два електромотори кои ќе произведуваат 115 kW/156 ks и 95 kW/129 ks, а секој од нив ќе ја пренесува моќта на по една осовина од автомобилот. На тој начин се добива максимална комбинирана снага од 652 kW/887 ks и повеќе од 800 Nm максимален вртежен момент.
Во германската компанија велат дека автомобилот од 0 дo 100 km/h ќе забрзува за 2.8 секунди, до 200 km/h за 7.9 секунди, a дo 300 km/h za 23 секунди. Максималната брзина изнесува 340 km/h.
„Porsche 918 Spyder“ ќе има премиера во септември на авто-саемот во Франкфрут, по што ќе се најде во продажните салони ширум светот. Покрај наведените спецификации и податоци за перформансите, фановите и натаму ќе спорат дали навистина на еден ваков автомобил му е неопходен хибриден погон.