Место за паркирање во центарот на Лондон во вредност од 465.000 долари е понудата на една фирма за недвижности во главниот град на Велика Британија.
Износот не се плаќа за закупување на место за паркирање засекогаш, туку за давање под наем на 91 година.
Паркинг местата, кои се нудат од компанијата „Кеј енд Ко.“, се во близина на лондонскиот Хајд парк. Големината на местото е 3,35 метри на 6,4 метри.
Од фирмата тврдат дека за понудата веќе има заинтересирани странки.
