Ако сте пораснале обожавајќи чоколади и останати слатки, крајно време е да престанете со оваа навика. Главната причина за тоа, нормалнo, е вашето здравје. Многу пати сте слушнале, но едно повторување нема да ви наштети. Ви претставуваме седум причини зошто шеќерот не е добар за вас и вашиот организам.
1. Од шеќерот вашата кожа изгледа постаро
Шеќерот ја нарушува рамнотежата на хормоните и ослободува слободни радикали кои се одговорни за стареењето и болестите.
2. Шеќерот предизвикува зависност
Докажано е дека шеќерот предизвикува осум пати поголема зависност од кокаинот. Што повеќе го конзумирате, толку повеќе вашето тело ќе има потреба од него.
3. Дебелее
Не само што ги уништува вашите заби, туку со него внесувате и премногу празни и бескорисни калории.
4. Влијае на промената на расположението
По конзумацијата на шеќер нагло расте количината на енергија во телото која го зголемува и расположението. Но таа кратко трае, бидејќи енергијата од шеќерот брзо се троши. Па така и вашето расположение нагло се намалува, а ваквите промени се тешки за здравата психичка состојба.
5. Шеќерот отвора апетит
Колку повеќе го внесувате толку повеќе сте гладни. Дали сте приметиле дека многу брзо сте гладни откако за доручек сте јаделе нешто благо. Повторуваме, шеќерот е полн со празни калории кои само предизвикуваат глад.
6. Ја попречува работата на имунолошкиот систем
Внесувањето на шеќер сериозно ја нарушува способноста на вашиот имунолошки систем во борбата против многу болести, исто така, истражувањата покажале дека шеќерот овозможува полесно развивање на малигни заболувања.
7. Поради него можете да се чувствувате зашеметено
Темпото на денешниот живот е толку забрзано што понекогаш едноставно мора да бидете на повеќе места во исто време. Не ви е потребно при ваквите задолженија уште и да се чувствувате зашеметено, можеби не го чувствувате толку силно, но вашиот мозок се наоѓа како во густа магла.
