FILE - In this Jan. 23, 2020, file photo, paramilitary police stand guard outside the closed Hankou Railway Station in Wuhan in central China's Hubei Province. A 10-member team of international researchers from the World Health Organization hopes to find clues as to the origin of the coronavirus pandemic in the central Chinese city of Wuhan where the virus was first detected in late 2019. (Chinatopix via AP, File)
Светската Здравствена Организација (СЗО) соопшти дека долго очекуваниот извештај на нејзините експерти кои го истражувале потеклото на коронавирусот во Кина сè уште не е готов и дека „веројатно“ ќе биде објавен следната недела.
Портпаролот на СЗО, Кристијан Линдмајер, на прес-конференција во Женева изјави дека извештајот „едноставно не е подготвен“ и дека членовите на тимот што работеле со кинески официјални лица на нацртот „сакаат да го сторат тоа правилно“.
Линдмајер рече дека, според она што го слушнал од членовите на стручниот тим, очекува извештајот да биде објавен следната недела.
СЗО претходно планираше прво да објави резиме на извештајот, а подоцна и подолга, подетална верзија. Во меѓувреме, таа идеја беше напуштена и беше одлучено да се објави еден документ.
Питер Бен Ембарек, шеф на истражувачката мисија на СЗО, на почетокот на овој месец објави дека извештајот ќе биде објавен на 15 март.
