Во 2019-та година, според податоците на Евростат, вкупно 706.400 граѓани се стекнале со европско државјанство. Нивниот број е за околу 5% поголем отколку во претходната година.
Мнозинството од овие луѓе доаѓаат од трети земји надвор од Европската унија, а околу 13% се од земји-членки, но имаат стекнато државјанство во други земји на Заедницата.
Меѓу луѓето кои се стекнаа со државјанство на ЕУ во 2019-та година, повеќето се жители на Мароко – вкупно 66.800 лица, или 9,5% од сите.
Околу 84% од Мароканците имаат стекнато француско, шпанско или италијанско државјанство.
Албанците со државјанство на ЕУ се на второ место (вкупно 41.700), од кои повеќето живеат во Италија.
На трето место се британски државјани (29.800), од кои две третини имаат стекнато државјанство во Германија, Франција или Шведска.
Регистрирани се 29.100 Сиријци кои се стекнаа со државјанство на ЕУ во 2019-та година, при што мнозинството (69%) станаа жители на Шведска.
Исто така 28.600 Турци имаат стекнато европско државјанство (главно во Германија) и 26.600 Романци кои станале жители на други земји на ЕУ (главно Германија и Италија).
Следат Бразилците (23.500, главно во Италија и Португалија), Украинците (18.100, од кои повеќе од половина се во Германија, Полска и Италија), Алжирците (18.000, претежно со француско државјанство) и Русите (16.400, од кои еднатретина станаа жители на Германија).
Романците, Полјаците и Италијанците се трите најголеми групи во рамките на ЕУ, кои во 2019-та година се стекнаа со државјанство во друга земја на ЕУ.
Повеќето потврди за државјанство на луѓе од други земји се издаваат во Германија – 132.000, или 19% од сите во ЕУ во 2019-та година. Следат Италија (127.000), Франција (109.800), Шпанија (99.000) и Шведска (64.200).
Во овие пет земји, три четвртини од сите нови документи за државјанство на ЕУ беа издадени во 2019-та година.
Во рангирањето според уделот на натурализацијата (односот помеѓу бројот на луѓе кои стекнале државјанство во една земја и нејзиното вкупно население) во 2019-та година ја предводи Шведска со 7% (7 нови жители на 100 лица од населението).
На второ место е Романија (4,7%), следена од Португалија (4,4%), Финска (3,8%), Холандија (3,2%) и Белгија (2,9%).
Најниски удели на натурализација со помалку од 1 со ново издадено државјанство на 100 жители се забележани во Литванија (0,2%), Данска (0,3%), Естонија (0,4%), Чешка (0,5%), Летонија (0,6%), Австрија 0,7%), Бугарија (0,8%), Словачка (0,8%), Малта (0,9%) и Ирска (0,9%).
