Зошто имаме подочници, а не сме уморни?

Темните кругови под очите не мораат да бидат само последица од заморот и недостатокот на сон. Запушените дишни патишта исто така оневозможуваат крвта слободно да циркулира, поради што можат да се појават подочници.

Алергиите и запушените синуси исто така се честа причина за појава на подочници. Алергиските реакции доведуваат до тоа организмот да отпушта хистамини, поради што крвните садови се шират. Чешањето дополнително ја комплицира работата и ги зголемува отоците.

И запушениот нос може да предизвика подочници бидејќи запушените дишни патишта оневозможуваат крвта нормално да циркулира низ вените околу очите и доаѓа до отоци.

Затоа е добро да се прочистат дишните патишта, да се испира носот со физиолошки раствор или раствор од морска сол. Може да помогне и употребата на лекови за алергии, со препорака на лекар.