Кинеските власти открија дека еден вид сладолед, произведен од локална компанија во Тијанџин, е загаден со вирусот корона, поради што поголемиот дел е повлечен од пазарот.
Некои жители на тоа место на североистокот од Кина веќе купиле сладолед кој не се чува на многу ниска температура, што довело до тоа содржината на маснотии во омилениот десерт да стане погодна за Ковид-19.
Досега коронавирусот е потврден во три примероци, а здравствените власти ги повикуваат потрошувачите кои можеби стапиле во контакт со сладоледот да дојдат на преглед.
Сомнителни се 4.836 кутии, а во секоја се спакувани по шест сладоледи, објави Скај Њуз.
Компанијата дистрибуирала 1.812 кутии сладолед низ целата земја, од кои 65 биле продадени. Според „Чајна Дејли“ досега се повлечени 2.089 кутии.
Според првичните резултати од испитувањата, компанијата користела увезени суровини за сладолед, вклучувајќи млеко во прав од Нов Зеланд и прав од сурутка од Украина.
Како што е наведено, можно е токму тие суровини да биле „заразени“ од некој од работниците кој бил болен од коронавирус.
Британскиот виролог Стивен Грифин, смета дека ова е најверојатно изолиран случај и дека има врска со хигиената во фабриката.
Коментари