Малопродажната цена на бензините од ноќеска на полноќ се зголемува од еден до еден и пол денар, а на дизелот останува непроменета.
Според Одлуката на Регулаторната комисија за енергетика новата цена на Еуросупер БС-95 се зголемува за 1,5 денар за литар и ќе изнесува 82,5 денари, на Еуросупер БС-98 се зголемува за еден денар и ќе изнесува 84 денари за литар. Цената на Еуродизелот изнесува 70 денари.
Цената на екстра лесното масло за домаќинство се намалува за 0,50 денари за литар и ќе изнесува 58.50 денари. Се намалува и цената на мазутот и ќе изнесува 41,7 денари за килограм.
Просечната цена на сурова нафта на светскиот пазар во изминатиот 14-дневен период изнесуваше 109,0 долари за барел и е за 2,13 отсто повисока од просечната цена на сурова нафта (106,813 долари/барел) по која беа формирани тековните цени на нафтените деривати.
Курсот на денарот во однос на доларот во изминатиот 14-дневен период изнесуваше 46,7 денари и е за 1,66 отсто понизок од курсот на доларот (47,5463 денари/долар) по кој беа формирани цените.
