Федералните резерви на САД го подготвуваат вториот стрес-тест за големите американски банки во оваа година. ФЕД во четвртокот изјави дека е потребен нов тест поради постојаната несигурност предизвикана од пандемијата. Резултатите треба да бидат објавени до крајот на 2020-та година, пренесува „Bloomberg“.
Тестовите би симулирале две хипотетички рецесии со различна тежина. Фед исто така има намера да објави до крајот на септември дали ќе продолжи да им забранува на банките да купуваат акции и да плаќаат дивиденда од четвртиот квартал.
Како резултат на финансиската криза 2008/09 година, ФЕД секоја година тестира како големите американски банки можат да се справат со економска криза. Во јуни, централната банка го испита и влијанието на пандемијата врз капиталот на банките.
Заклучокот тогаш беше дека американските банки се добро подготвени за кризата. Сепак, посебен преглед на ефектите на коронавирусот врз економијата и финансискиот систем открива потенцијални ризици кои ја доведуваат во прашање судбината на дивидендите.
Продолжениот економски пад може да ги оптерети најголемите банки во земјата со загуби и до 700 милијарди долари поради лошите заеми. Во најлошото сценарио, каде невработеноста останува висока и економијата не се опоравува од раст во следните неколку квартали, 33-те најголеми банки во Соединетите држави ќе пријават големи загуби поради кредитите, со што би се уништиле капиталните бафери, наменети за ја одржува нивната финансиска стабилност.
