Голем број на централни банки купиле значителни количини на злато во текот на минатата година и во претходните години, според Светскиот совет за злато.
Централните банки имаат злато како дел од нивните резерви, во кои спаѓаат и нивните девизни резерви.
Претходно овој месец, цената на златото ја премина границата од 2.000 долари за унца, по што го забележа својот најголем дневен пад во последните седум години.
Златото е една од најуспешните класи на средствата од почетокот на 2020-та година. Статусот на азил го прави добра инвестиција во денешните неизвесни времиња, а амортизацијата на американскиот долар предизвикува се повеќе инвеститори да инвестираат во скапоцениот метал.
Инвеститорите, преку средства што се тргуваат со размена, сега поседуваат повеќе злато од централните банки. Како и да е, се верува дека централните банки на некои земји се меѓу главните играчи кои ја зголемија цената на златото во последните месеци, а причина за тоа се нивните големи набавки.
Денес, централните банки поседуваат 35.000 тони злато, што во моментот се вреднува на околу 2 трилиони долари, изјави Рајан Џианото, директор за аналитика во „ETF GraniteShares“.
„Business Insider“ побара од голем број експерти и аналитичари да истражат зошто централните банки купуваат злато толку активно во последните години.
Зошто централните банки се повеќе се заинтересирани за злато?
„Зголемената изложеност на централните банки на злато е долгорочен тренд од нивна страна, почнувајќи пред неколку години. Како главен двигател кон тоа е секако цената“, рече Макс Кастели, главен стратешки офицер во „UBS Asset Management“.
Рајан Џианито додаде: „Централните банки често купуваат државни хартии од вредност или валути, но сега златото е алтернативно средство што може да ја постигне својата цел, имено да се обезбеди доверба во националната валута за време на несигурни периоди во кои живееме“.
Покрај американскиот долар, еврото и евентуално јапонскиот јен, швајцарските франци и британската фунта, централните банки ширум светот можат да позајмуваат злато од оние на кои им е потребно, за што добиваат и приход во соодветната валута.
Според Ли Горнинг, менаџерски партнер во инвестициската компанија „Goehring & Rozencwajg Associates“, во последните години имало две главни земји кои купувале злато – Русија и Кина.
„Од 2008-ма година има промена во ставовите на банките кон златото и од 2009-та година тие се нето купувачи, т.е. тие купуваат повеќе злато отколку што продаваат. Овој тренд продолжува и до ден денес“, вели Горинг.
Трговските војни, геополитичките тензии, заканите за санкции против разни економии ја намалија желбата на централните банки да задржат вакви големи делови од нивните резерви во американски долари. Нивната желба е да ги диверзифицираат своите резерви, а златото е најпосакуваното богатство за тоа, додава Горнинг.
Во последниве години, покрај Русија и Кина, друга земја направи сериозни набавки на злато.
Најголем купувач на злато за последните 12 месеци
Турција е најголемиот купувач на злато во последните 12 месеци, за кое време скоро двојно ги зголеми своите резерви. Набавките во овој период изнесуваа 268,9 тони, што значи дека вкупните резерви на земјата сега изнесуваат 583 тони.
Можеме да го кажеме на друг начин, да ја илустрираме огромната количина на злато што земјата го купува. Во последните 12 месеци, Турција се здоби со повеќе злато од која било друга земја во светот. Дури и Русија, која се најде на второ место на овој ранг, има „само“ 93 тони.
„Турција моментно се обидува да ја заштити својата национална валута од нова девалвација. Земјата веќе има многу помали девизни резерви, откако се обиде да ја поддржи турската лира во неколку наврати со продажба на американски долари“, рече Џианото.
Само од почетокот на 2020-та година турската лира ја изгуби својата вредност во однос на американскиот долар. Денес, една лира „тежи“ 7,36 долари од 5,4 американски долари пред две години.
Сепак, Горинг е со поинакво мислење, велејќи дека купувањето и поседувањето злато нема за цел да ја поддржи лирата, туку да ја заштити економијата од можните пречки за пристапот на земјата до долари.
„Ако односите меѓу Турција и Соединетите држави се влошат, земјата ризикува уште построги санкции, што ќе ја намали можноста за обезбедување американски долари за плаќање на долговите“, вели Горинг.
Во последните години се забележува влошување на односите меѓу Турција и НАТО, откако организацијата предупреди за континуирано купување на оружје од Русија, како и за присуството на земјата во Либија.
„Земјата ја користи оваа стратегија, како Русија и Кина, бидејќи златото е предност што е надвор од дофатот на американската влада“, рече тој.
Централните банки ќе продолжат да купуваат злато
Златото ја премина границата за унца од 2.000 долари во текот на минатата недела. Растот во јули главно се должи на тензиите меѓу двете најголеми економии во светот – САД и Кина, бидејќи инвеститорите уште еднаш се свртеа кон металот, сметајќи го за предност за азил.
Но, само кога се сметаше дека зголемувањето не може да запре во наредните недели и месеци, пред 6 дена бевме сведоци на најголемиот дневен пад во последните 7 години.
Да, цената навистина се опорави после тоа, а според експертите, желбата на централните банки да поседуваат повеќе злато ќе продолжи и во наредните години.
„Очекуваме овој тренд да продолжи, ова е долгорочната стратегија на централните банки“, рече Кастели.
