Оние што работат од дома, знаат колку е тешко да се одржи мотивацијата, продуктивноста и концентрацијата во услови каде има толку многу работи што можат да го одвлечат вниманието.
Неверојатно е лесно да ја пренасочите концентрацијата на работи кои немаат никаква врска со работата. Фактот дека не сте опкружени со колеги, кои се истовремено конкуренција и мотивација, може негативно да влијае на работните навики. Поради тоа, постојано мора да пронаоѓате нови начини да останете мотивирани.
Ви носиме неколку совети како во тоа да успеете:
Одржувајте работни рутини
Подгответе се за работа како да одите на работа. Држете се до точното време, а местото на кое работите треба барем да личи на работните услови во канцеларијата. Исто така, предупредете ги домашните дека започнувате со работа за да бидете сигурни дека нема да ве вознемируваат.
Направете список на обврски
Наведете ги дневните активности кои мора да ги направите. Тоа ќе ве мотивира да продолжите да работите сè додека не ја завршите и последната задача. Списокот исто така ве мотивира, бидејќи пресекувањето на завршените задачи влијае на вашиот работен елан. Тоа дополнително ќе ви помогне да разберете колку време е потребно за завршување на одредени задачи.
Визуелизирајте ги сопствените цели
Ако вашата цел се сведува на купување куќа, автомобил или некоја повисока деловна позиција, пронајдете фотографија која ги одразува вашите аспирации и поставете ја во близина на вашето работно место. Така, секогаш ќе ја имате на ум крајната цел.
Земете пауза
Ако чувствувате недостаток на енергија, нема ништо лошо да земете кратка пауза. Размислете за краткорочни активности кои позитивно влијаат на вашиот ум и тело. Меѓутоа, поставете граници.
Не го прекинувајте работниот процес
Сè додека трае работното време, не правете работи кои не влегуваат во вашиот дневен работен распоред. Тоа е многу важно за одржување на работните навики. Работата од дома подразбира поголемо ниво на самоконтрола и дисциплина.
