Европската комисија, државите-членки на ЕУ и приватниот сектор ќе инвестираат 22 милијарди до 2020 година, за поттикнување на истражувањата, иновациите и вработувањето во пет технолошки сектори, соопшти Eвропската комисија.
Овие јавно-приватни партнерства ќе ја зајакнат конкурентноста на европската индустрија и во секторитe кои обезбедуваат повеќе од четири милиони работни места, истакна ЕК.
Целни сектори се фармацијата, односно истражувањето на нови вакцини и антибиотици, потоа истражувањето на горивата, како и развојот на еколошките авиони и биолошка и електрична индустрија.
Од програмата на ЕУ за истражување и иновации „Хоризонт 2020“ ќе се обезбедат осум милијарди евра, приватниот сектор ќе инвестира околу 10 милијарди евра, а земјите-членки 4 милијарди евра.