Шорцевите кои ги направи компанијата „Vodafon“ ја собираат енергијата која при движењето ја произведува личноста која ги носи, додека вреќата за спиење ја претвора топлината на телото во електрична енергија.
Британскиот „Vodafon“ со помош на Универзитетот Саутемптон направи и дизајнираше специјални шорцеви и вреќа за спиење кои ќе ви овозможат никогаш да не ја потрошите батеријата на вашиот мобилен телефон. Иновативните производи особено ќе ви користат за време на излет во природа.
Шорцевите ја собираат енергијата која при движењето ја произведува личноста која ги носи. Материјалите кои се користени за изработка на овие шорцеви ја користат кинетичка енергија која ја произведува личноста која ги носи. Таа енергија се собира, а во мобилниот телефон се пренесува по пат на кабел кој се вметнува во специјалниот приклучок кој се наоѓа во задниот џеб.
Специјалната вреќа за спиење произведува енергија така што овозможува човечката топлина да се претвори во електрична енергија. Системот користи температурни разлики меѓу надворешната и температурата на телото, што овозможува создавање на топлина која се претвора во струја.