Производителите на возила забрзано се подготвуваат за годинешниот саем за автомобили во Франкфурт кој ќе се одржи во тој град помеѓу 12 и 22 септември.
Најавени се бројни премиери, а меѓу нив се најдоа и новите „Audi A3 Cabrio“, „Audi A8 facelift“, „BMW X5“, „BMW 4-Series“, „BMW i3“, новиот „Citroen C4 Picasso“, „Dacia Duster facelift“, серискиот модел на „Honda Civic Tourer“, новиот „Hyundai i10“, новата „Mazda3“, „Mercedes CL“, новиот „Nissan Qashqai“, „Peugeot 308 II“, „Porsche 918 Spyder“, „Suzuki Swift facelift“, „Škoda Rapid Spceback“, „Smart Four-X“, новата „Toyota Corolla“, новиот „Volkswagen Golf Plus“ и неколку премиери од Опел.
Веќе е познато дека од страна на Опел станува збор за обновените „Insigniа“ и „Insigniа Country Tourer“, но се повеќе внимание привлекува и најавата за нов концепт кој оваа марка во сопственост на „General Motors“ има во план да го претстави во Фракнфурт.
Па така германскиот магазин „Auto Bild“ пишува дека Опел планира да го претстави и новиот концепт „Monzа“ (оргиналната „Monza“ се произведуваше меѓу 1978-та и 1986-та година).
Засега нема конкретни детали за моделот, но се шпекулира дека Опел исто така ќе се одлучи за некоја од погонските единици кои ги користи „Cadillac АТС“, што значи дека во опција се бензинци, од четирицилиндричен 2.0 литарски мотор, па се до 3.6 литарскиот кој произведува 320 километри на час. Моторот би бил поврзан со шестбрзинскиот мануелен или автоматски менувач.
За поконкретни и поточни информации ќе мораме да почекаме, а сега можеме само да го видиме рендерот кој го објави „Auto Bild“ за концептот „Monza“.
