Комисијата за хартии од вредност трајно и ја одзеде дозволата за работа на Службата за работа со хартии од вредност на Централна кооперативна банка АД Скопје.
Ваквото решение, како што денеска информира КХВ, е донесено врз основа на претходно усвоените одлуки на Управниот и на Надзорниот одбор на банката согласно кои Службата за работа со хартии од вредност ќе престане да врши услуги.
КХВ ги задолжи Македонска берза и Централниот депозитар за хартии од вредност по приемот на решението да ја исклучат од членство Централната кооперативна банка – Служба за работа со хартии од вредност.
Со ова, на македонскиот пазар за хартии од вредност активни остануваат четири овластени банки и десет брокерски куќи.
На последната седница на КХВ дадена е согласност Лазе Камчев и Маријан Николовски да
бидат повторно именувани за извршни директори на Друштвото за управување со фондови КД
Фондови АД Скопје со мандат од четири години