Повеќе од половина од вработените се наоѓаат постојано во многу стресна ситуација, покажува новото истражување.
Најновото истражување покажува дека поголем дел од вработените во САД се под голем стрес, и дека за една четвртина од вработените главен приоритет е само да се појават на работа. Еве што друго открива истражувањето:
Повеќе од 60 проценти од вработените пријавиле висок стрес на работното место, а 32 проценти пријавиле постојан но не толку висок стрес. Ниско ниво на стрес? Само 5 проценти од испитаниците ја имале таа среќа да не го почувствуваат стресот.
Навистина интересен е фактот дека речиси 22 проценти од испитаниците го посочиле „присуството“ на работа како најголема грижа и како најголемата задача која треба да ја извршат на работа.
Зошто луѓето толку често се под стрес? Речиси 40 проценти од нив се изјасниле дека тоа е така поради обемот на работата кој константно расте.
„Додека работодавачите во моментов вработуваат помалку луѓе, постојниот кадар почнува да покажува знаци на пролонгиран стрес“, предупредува генералниот директор на „ComPsych“ и додава дека „Хроничниот стрес може серионо да ви наштети, тој може да ве „изгори“ и потоа да бидете непродуктивни“.
Инаку, тим од научници од Квебек пред неколку години докажаа дека хроничниот стрес може да доведе до висок крвен притисок, кој е главниот фактор за ризикот од многу сериозни болести, вклучувајќи мозочен и срцев удар.
