Кајсиите се исклучително богати со хранливи материи кои корисно делуваат на дигестивниот тракт, кардиоваскуларниот систем и ги одржуваат очите и кожата здрава, додека во исто време се сиромашни со калории.
Во 100 грама кајсии има 48 калории и 2 грама влакна. Оваа количина задоволува 39 проценти од дневните потреби за витаминот А и 17 проценти за витаминот C. Кајсиите содржат и мала количини на Б-комплекс, кои се неопходни за непречено функционирање на нервниот систем, а што се однесува за минерали, најбогати се со калиум (260 mg во 100 грама), што е од клучно значење за кардиоваскуларниот систем.
Претставуваат одличен извор на бета-каротен, лутеин и зеаксантин, кои покажуваат силни антиоксидантни својства. Овие антиоксиданси придонесуваат за здравјето на очите и да се намали ризикот од катаракта, макуларна дегенерација и заболувања на ретината поради дијабетес.
Кајсиите содржат и катехини, флавоноиди, кои исто така се наоѓаат во праските, јагодите, јачменот, какаото, црниот и зелениот чај. Истражувањата покажале дека овие фитокомпоненти имаат значителни анти-воспалителни ефекти и дека би можеле да помогнат кај симптомите на ревматоидниот артритис.
