Бидејќи модерниот живот е многу стресен и хаотичен, дури и пет работни дена можат да влијаат на вас и вашето здравје.
Затоа обидете се максимално да се грижите за себе. А ако се пронаоѓате во некој од овие симптоми, тогаш редно време е да размислите за вашето здравје.
Сте паднале во летаргија
Чувството на летаргија и замор е првиот знак дека претерувате со работа. Освен тоа, недостатокот на сон и неправилната исхрана на работа се уште еден показател.
Недостаток на ентузијазам
Кога премногу работите брзо доаѓа до заситување и повеќе не можете да уживате во својата работа. Ова може да влијае и на односите со членовите на семејството и пријателите. Работата толку ве исцрпува, што не постои место за среќата која ја предизвикуваат малите нешта.
Депресивни сте
Сериозен сигнал може да биде и депресијата. Анексиозноста е знак дека сте ја достигнале точката на вриење. Сакате да дадете отказ, но не можете бидејќи парите ви се потребни. Ништо не ве прави среќни. Постојано се чувствувате потиштено и не се радувате на иднината.
Сиромашен социјален живот
Излегувањата и кафето со пријателите е нешто што се поретко го правите. И кога ќе излезете, само размислувате за тоа кога ќе се вратите дома и ќе си легнете во кревет. Недостатокот на интерес за дружење е еден од основните знаци дека сте презаситени со работата.
