Сликата наречена Дрво на среќата изработена од децата до Даунов синдром е дел од Ре–Медика. Оваа здравствена установа е една од ретките што го поддржува невладиниот сектор во овој сегмент, а децата и родителите преку сликата ја изразија својата благодарност. Денеска, менаџментот и вработените на болницата беа домаќини на дечињата со Даунов синдром и нивните семејства во просториите на клиниката, каде поминаа неколку квалитетни часови со нив исполнети со забава и едукација.
“Во Ре-Медика секогаш сме биле отворени кон соработка, помош и поддршка на ранливите групи во општеството, вклучувајќи ги и лицата со пречки во развојот. Пред еден месец организиравме настан на кој децата сликаа, заедно со своите другарчиња. Сметаме дека сликата ќе биде прекрасен дел од ентериерот на болницата, а за нас ќе претставува прекрасен спомен од една забавна соработка“ – изјави Елица Јорданова генерален директор на Првата општа болница Ре-Медика.
Застапеноста на дауновиот синдром е 1 на 800 или 1000 раѓања. Иако некои од физичките недостатоци неможат да бидат надминати, соодветната образование и грижа може да го подобри квалитетот на живот кај овие луѓе. Лицата со Даунов синдром се весели, пријателски расположени, друштвени, и голем дел од нив одат на училиште, работат и се активни на многу полиња.
Од 1994 година до 2010 во Македонија се регистрирани 282 новороденчиња со Даунов синдром. Но според невладините организации оваа бројка не ја отсликува реалната состојба, бидејќи нема точна евиденција колку лица со Даунов синдром има во земјава.
Ремедика продолжува и понатаму да биде главен поддржувач на сите активности што ги презема невладиониот сектор и центрите со цел подобрување на квалитетот на животот на овие лица.
