Според истражувањето на „Digital Luxury Group – DLG“, најпопуларниот хотелски бренд во светот е „Hilton“, а зад него следат „Sheraton“, „Westin“, „Four Seasons“ и „Hyatt“.
Од „DLG“ објаснуваат дека за потребите на истражувањето формирале индекс за светските луксузни хотели, на основа на онлајн изјави од 133 милиони испитаници, пренесува агенцијата Франс прес.
„Hilton“ е избран помеѓу 70 луксузни брендови на 10 клучни пазари.
И покрај извештаите дека светската економија не е закрепната од кризата, индексот покажува дека заинтересираноста за сместувањето „на висока нога“ е стабилна и бележи раст од 1,5 проценти во минатата година.
Американците доминираат на листата на земји кои најмногу конзумираат луксузно сместување (66,3 проценти), потоа се Русите (12,8 проценти), Британците (8,5 проценти) и Кинезите (3,3 проценти).
Њујорк останува на врвот на листата на градови кои се посетени од клиенти со „подлабок џеб“, а зад него се Лондон, Дубаи и Париз.